Neymarın atası: “Vergi problemi həll olunmasa, oğlum İspaniyadan ayrılacaq”

“Barselona”nın hücumçusu Neymarın atası Neymar da Silva oğlunun klubunu dəyişmək ehtimalından danışıb. Futbolxeber.az-ın məlumatına görə, ata Neymar oğlunun İspaniyadan ayrıla biləcəyini istisna etməyib: “Biz “Barselona” ilə bağlı yeni müqavilə haqda danışıqlara başlamışıq. Lakin ortada ciddi problemlər var və bunları həll etmək lazımdı. Vergilərlər bağlı məsələ ilə barışmaq fikrində deyilik. Bizim işimiz asan deyil. Çünki hər tərəfdən təzyiqə məruz qalırıq. Biz sakit tərzdə yaşamaq istəyirik və heç bir problemə ehtiyac duymuruq. Burada olmaqdan məmnunuq. Amma bergi problemi həll olunmasa, oğlum İspaniyadan ayrılacaq. Daha əvvəl heç vaxt vergi ilə bağlı problemimiz olmayıb”.

Xatırladaq ki, ötən yay “Mançester Yunayted” Neymarı transfer etmək istəyirdi.