Lippi: “Real” - “Yuventus” cütünün taleyi Buffondan asılıdır”

“Yuventus”un sabiq baş məşqçisi, İtaliya futbolunun canlı əfsanəsi, 2006-cı ilin dünya çempionu Marçello Lippi Çempionlar Liqasının yarımfinal mərhələsində sabiq komandasının “Real”a qarşı keçirəcəyi oyun haqda danışıb. Futbolxeber.az-ın məlumatına görə, Lippi cütün taleyinin Canluici Buffondan asılı olduğunu bildirib: “Bu, “Real” üçün heç də yaxşı mövsüm deyil. Çempionlar Liqasının finalı bu komanda üçün cari mövsümdə azarkeşləri sevindirmək üçün son şansdır. Amma “Yuventus” avrokuboklarda zəngin təcrübəyə malikdir. 90 min azarkeş qarşısında oynamaq çətindir. Bununla belə, “Qoca Sinyor”nın rəqibə zərbə endirəcək silahı var. Məncə, Buffonun oyunu cütün taleyini həll edəcək. Eləcə də “Yuventus”un orta xəttinin üzərinə çox yük düşəcək. Xüsusən də Vidaldan çox şey asılıdır. Poqba? Daha yaxşı olar ki meydana hazır futbolçular çıxsın. Hətta 70 dəqiqəlik olsa belə”. 

Xatırladaq ki, "Yuventus"u Çempionlar Liqasında sonuncu dəfə məhz Lippi çıxarıb.