Pirlo: “İstanbuldakı finaldan sonra karyeramı bitirmək istəyirdim”

“Yuventus”un və İtaliya millisinin yarımmüdafiəçisi Andrea Pirlo maraqlı açıqlaması ilə diqqət çəkib. Futbolxeber.az-ın məlumatına görə, təcrübəli futbolçu sabiq klubu “Milan”ın heyətində 10 il əvvəl Çempionlar Liqasının finalında “Liverpul”a uduzduqları oyunu belə xatırlayıb: “Həmin gecə anladım ki, futbolda bəxt böyük rol oynayır. “Liverpul” təkcə 7 dəqiqəyə 3 qolun əvəzini çıxmadı. Həm də Dudek gözübağlı şəkildə Şevçenkonun ölümcül zərbəsini dəf etdi. Hərdən elə hallar olur ki, insan nə edəcəyini bilmir. Oyundan sonra karyeramı bitirmək istəyirdim. Xoşbəxtlikdən 2 il sonra Afinada tale bizə öz borcunu qaytardı. Mənim Çempionlar Liqasındakı ikinci qalibiyyətm xüsusi əhəmiyyət kəsb edirdi”.