Çili dünya çempionatına ev sahibliyi etmək iddiasındadı

Çili 2030-cu ildə keçiriləcək dünya çempionatına ev sahibliyi etmək iddiasındadı. Futbolxeber.az-ın məlumatına görə, bu haqda ölkə futbol federasiyasının prezidenti Serxio Xadu açıqlama verib: “Bu turniri təkbaşına keçirməyə hazırıq. Ən pis halda, mundialı Uruqvayla birgə təşkil edə bilərik”.

Buna kimi Çili 1962-ci ildə dünya çempionatını təşkil edib.

Əlavə edək ki, DÇ-2030 uğrunda əsas favorit Uruqyav sayılır. Bu da onunla əlaqədardı ki, həmin vaxt ilk mundialın 100 iliyi tamam olacaq. Həmin yarış da məhz Uruqvayda keçirilib.