“Qarabağ”ın qənimi Avropada ilin ən çox inkişaf edən klubu seçildi

Avropa Klublar Assosiasiyası (ECA) 2014-cü ilin ən yaxşılarının adını açıqlayıb. Futbolxeber.az-ın məlumatına görə, 2014-cü ilin ən yaxşı klubu adına “Real” layiq görülüb. Madrid klubu bu il İspaniya kubokunu, UEFA Superkubokunu, eləcə də tarixində 10-cu dəfə Çempionlar Liqasını qazanıb.

İlin ən çox inkişaf edən klubu “Zalsburq” seçilib. Çempionlar Liqasında “Qarabağ”ı mübarizədən uzaqlaşdıran Avstriya çempionu, reytinqdə bu il xeyli irəliləyişə nail olub.

“İlin marketinqi” nominasiyasının qalibi isə “Seltik” seçilib. Şotlandiya çempionu stadionunun ərazisində azarkeşləri üçün pulsuz internet təşkil edib.