FİFA-nın alternativ variantı hazırdı: DÇ-2022 üçün noyabr-dekabr və ya yanvar-fevral

2022-ci ildə Qətərdə keçiriləcək dünya çempionatı noyabr-dekabr və ya yanvar-fevral aylarında baş tuta bilər. Futbolxeber.az-ın “Capri Sport”a istinadən verdiyi məlumata görə, FİFA-nın işçi qrupunun iclasında bu müddət alternativ variant kimi dəyərləndirlib.

Qeyd edək ki, bu, FİFA-nın 2018-2024-cü illər üçün təqvimini hazırlayan komitənin ilk iclası idi. Toplantı zamanı əsas müzakirə mövzusu DÇ-2022 ətrafında yaranan problemlər olub. Vurğulanıb ki, əsas problem məhz turnirin keçirilmə tarixidir. Yayda Qətərdə istilərin həddindən artıq yüksək dərəcədə olması turnirin həmin vaxt baş tutmasına maneə yaradır. Bu səbəbdən də turnirin qışda keçirilməsi istinsa deyil.

Bununla bağlı UEFA yekun qərarını gələn ilk fevralından tez verməyəcək. Həmin vaxta kimi müzakirələr davam etdiriləcək.