Konte: “Gələcəyim barədə sabah düşünəyəcəm”

“Yuventus”la yollarımı ayırdım. Bu qərarı qəbul etmək heç də asan olmadı”. Futbolxeber.az-ın məlumatına görə, bu sözləri “Yuventus”un baş məşqçi postunu tərk edən Antonio Konte deyib.

Təcrübəli mütəxəssis gedərkən azarkeşlərə, futbolçularına və klub rəhbərliyinə təşəkkür etməyi unutmayıb: “İndi yalnız qəbul etdiyim qərar barədə düşünürəm. “Yuventus”un azarkeşlərinə təşəkkürümü bildirmək istəyirəm. Onlar daim məni və oyunçularımı dəstəkləyiblər. Son illər qazandığımız nəticələrə görə fanatlarımız fəxr edə bilərlər. Biz bir neçə tarixi uğura imza atdıq. Həmin nəticələri heç kim “Yuventus”dan ala bilməz. Eyni zamanda birgə çalışdığım bütün futbolçulara da minnətdaram. Məhz onların sayəsində mən bu cür uğurlar qazandım. 3 il ərzində mənə etimad göstərən klub rəhbərliyinə də təşəkkür edirəm. Gələcəyim? Bu haqda sabah düşünəcəyəm”.