Prandellidən şok açıqlama: “Ölüm təhdidi almışam"

İtaliya millisinin sabiq, “Qalatasaray”ın yeni baş məşqçisi Çezare Prandelli şok açıqlama verib. Futbolxeber.az-ın məlumatına görə, ölkəsinin mətbuatına danışan təcrübəli mütəxəssis ölüm təhdidi aldığını bildirib: “Mən və ailəm italyan azarkeşlərdən ölüm təhdidi aldıq. Milli komandadan istefa verdim. Müqaviləm vardı, təzminat ala bilərdim. Lakin mən həmin pullardan imtina etdim. İtaliyada məşqçilik etməyi istəmirdim və aldığım təklifləri də rədd etdim. Braziliyadakı təlim-məşq toplanışı zamanı futbolçuların ailələri ilə birlikdə olmalarına şərait yaratdım. Bu, hər bir futbolçu üçün faydalı idi. Lakin komanda daxilində bəziləri məni xaincəsinə günahlandırdı”.