Maradona: “Braziliya millisi Neymardan çox aslıdır”

Əfsanəvi futbolçu Dieqo Armando Maradona “The Times of India” qəzetində Braziliya millisi haqda yazıb. Futbolxeber.az Maradonanın fikirlərini ixtisarlarla təqdim edir:

- Neymar yeni saç düzümündə Meksikaya qol vura bilmədi. O, Braziliyanın altıncı titul üçün əsas ümidi hesab olunur. Komanda Neymardan çox aslıdır Amma Braziliya millisi Neymara üstünlük verdikdə, istənilən oyunu sərgiləyə bilmir. Onlar hər dəfə yaxşı təşkil olunmuş komandayla qarşılaşanda çətinliklə üzləşirlər.

Meksika Braziliya ilə oyunda heç-heçəni müdafiəyə böyük diqqət ayırmaqla qazandı. Braziliyalılar isə yalnız cərimə meydançasına asmalar edirdilər. Bu da Gilyermo Oçoa üçün böyük problem deyildi.

Halkın zədəsi Ramiresə heyətdə möhkəmlənmək şansı yaratmışdı. Amma o, hələ fasiləyə kimi sarı vərəqəylə cəzalandı. Bu da Skolari üçün siqnal idi və o, Ramiresi əvəzlədi. Ramiresin sarı vərəqə almaq baxımından istedadı var.