Kyellini: “Bu heç-heçəyə görə hər kəsdən üzr istəyirəm”

İtaliya millisinin müdafiəçisi Corcio Kyellini Lüksemburqla heç-heçə (1:1) qaldıqları oyun barədə danışıb. Futbolxeber.az-ın məlumatına görə, təcrübəli müdafiəçi biabırçı nəticəyə görə fanatlardan üzr istəyib: “Bu nəticəyə görə çox məyusam və hər kəsdən üzr istəyirəm. And içə bilərəm ki, biz meydana yalnız qələbə üçün çıxmışdıq. Son illər yoxlama oyunlarında uğursuz nəticələr qazanırıq. Xoşbəxtlikdən mühüm oyunlar zamanı vəziyyət dəyişir və lazımı nəticələri qazanırıq. İndi yalnız gələcəyə baxmalı və 10 gün sonra İngiltərəyə qarşı keçirəcəyimiz matça hazırlaşmalıyıq”.