Avropa çempionatının Bakıdakı oyunlarını idarə edəcək hakimlər açıqlanıb

Avropa Voleybol Konfederasiyası (CEV) avqustun 21-28-i aralığında Bakıda keçiriləcək qadınlar arasında Avropa çempionatının oyunlarını idarə edəcək hakimlərin adlarını açıqlayıb.

Futboxleber.az saytının məlumatına görə, hakimlər briqadası 7 ölkəni təmsil edən beynəlxalq dərəcəli referilərdən ibarətdir:

Qoren Roy (İsrail) - Baş hakim (hakimlərin fəaliyyətini qiymətləndirəcək)

Vladimir Çvetkoviç (Serbiya) - Challenge (Çelenc) hakimi

Erdal Akıncı (Türkiyə) - Hakim

Helena Persson (İsveç) - Hakim

Mikele Brunelli (İtaliya) - Hakim

Bartlomey Adamçık (Polşa) - Hakim

Dominik Bieqaylo (Böyük Britaniya) - Hakim

CEV-in qaydalarına əsasən, çempionata ev sahibliyi edən ölkənin hakimləri turnirin oyunlarına təyinat almırlar.

Bu səbəbdən Azərbaycan hakimləri Bakıda keçiriləcək C qrupu qarşılaşmalarını idarə etməyəcəklər.

Qeyd edək ki, C qrupunun bütün oyunlarında Challenge (Çelenc) sistemi tətbiq olunacaq. Bu səbəbdən yan xətt hakimlərindən istifadə edilməyəcək. Avropa çempionatında yan xətt hakimləri sonuncu dəfə 2019-cu ildə fəaliyyət göstərib.