Ukraynalı qapıçı üçün “Mançester Yunayted” 40 milyon avro ödəməyə hazırdır

“Mançester Yunayted”in növbəti transfer hədəfi bəlli olub.

Futbolxeber.az saytının KİV-ə istinadən verdiyi məlumata görə, “Qırmızı şeytanlar” “Real”ın qapıçısı Andrey Lunini heyətində görmək istəyir. İngiltərə təmsilçisi 26 yaşlı qolkiper üçün 40 milyon avro ödəməyə hazırdır.

Lunin cari mövsüm bütün turnirlər nəzərə alınmaqla 9 görüşdə meydana çıxıb. Bu matçlardan 4-də o, qapısını toxunulmaz saxlayıb.

Qeyd edək ki, ukraynalı qolkiperin “Real”la müqaviləsi 2030-cu ilin yayına kimidir.