Paralimpiyaçı cüdoçularımızdan 5 medal

Daşkənddə keçirilən Para-cüdo idman növü üzrə QranPri yarışına paralimpiyaçılarımız uğurla start veriblər.

Futbolxeber.az saytının məlumatına görə, yarışın ilk günündə paralimpiyaçı cüdoçularımız 2 gümüş, 3 bürünc medal əldə etmişlər.

Kişilər arasında 66 kq çəkidə Namiq Abbaslı və qadınlar arasında 57 kq çəkidə Sevda Vəliyeva yalnız finalda məğlub olaraq gümüş medal, kişilər arasında 73 kq çəkidə Ramil Qasımov, qadınlar arasında 48 kq çəkidə Şəhanə Hacıyeva və 57 kq çəki dərəcəsində Afaq Sultanova bürünc medal qazanıblar.

Yarışın nəticələri Tokio 2020 Paralimpiya Oyunlarında iştirak etmək üçün idmançılarımızın lisenziya xallarını daha da artırır.