Millimizin üzvü: “Qrup mərhələsində uğurlu çıxış etməyi…”

“Qrup mərhələsində uğurlu çıxış etməyi qarşımıza məqsəd qoymuşuq”. Futbolxeber.az-ın məlumatına görə, bu sözləri Azərbaycanın kişilərdən ibarər voleybol yığmasının üzvü Pərviz Səmədov deyib.

 

Təcrübəli hücumçu iyunun 16-da Makedoniyada start götürəcək Avropa Liqasının qrup mərhələsi ilə bağlı fikirlərini açıqlayıb: “Son aylar təqvim sıxlığı ilə üzləşmişik. Əvvəlcə yığmamız Bakıda keçirilən 4-cü İslam Həmrəyliyi Oyunlarının gümüş medalını qazandıq. Daha sonra isə Fransanın Lion şəhərində təşkil olunan dünya çempionatının seçmə mərhələsində mübarizə apardı. Təsnifat yarışında Fransa, Almaniya və başqa güclü komandalarla qarşılaşdıq. Seçmə mərhələdə iştirak bizim üçün böyük təcrübə oldu. İndi isə Avropa Liqasına köklənmişik. Özümüzü bu yarışda da ən yaxşı tərəfdən göstərməyə çalışacağıq”.