Valverde “Barselona”ya yaxınlaşdı: 29 mayda təyinat rəsmiləşəcək

“Barselona”nın baş məşqçi postuna əsas namizəd olan Ernesto Valverde hazırkı klubu “Atletik”i tərk edir.

Futbolxeber.az saytının məlumatına görə, 53 yaşlı mütəxəssis artıq yekun qərar qəbul edib.

Mayın 24-də Valverde və “Atletik”in prezidenti Xosu Urrutianın iştirakı ilə mətbuat konfransı keçiriləcək.

İspaniya mətbuatı iddia edir ki, mayın 29-da “Barselona” Valverde ilə anlaşdığını rəsmən ictimaiyyətə açıqlayacaq.

Qeyd edək ki, təcrübəli mütəxəssis “Atletik”i 2013-cü ildən çalışdırır. Onun rəhbərliyi altında Bilbao təmsilçisi 2015-ci ildə “Barselona”nı 5:1 hesabı ilə üstələməklə İspaniya Superkubokunu qazanıb.