“Bu layihə batmaqda olan futbolçuların üzə çıxmasına kömək edir”

“Məni bu yerə layiq görən hər kəsə minnətdaram. Belə bir layihənin olması sevindiricidir. Bu, batmaqda olan futbolçuların üzə çıxmasına kömək edir”. Futbolxeber.az saytının məlumatına görə, bu sözləri “Zaqatala”nın üzvü, I divizionda oktyabrda vurulan avqust ayının ən yaxşı qolunun müəllifi Emin Mehtiyev deyib.

O, komandasının uğuru üçün əlindən gələni etdiyini bildirib: “Neftçi”də çıxış edərkən müdafiədə oynayırdım. “Zaqatala”da isə daha irəlidə çıxış edirəm. Burada da komandamın uğurlu çıxışı üçün əlimdən gələni edirəm. Əlimdən gələni edirəm ki, “Zaqatala”ya faydalı olum”.

Mehtiyev mükafat qazanmasına belə münasibət bildirib: “Əvvəldən mükafatı firkiləşmirdim. Eşitdim ki, mənim də qolum ən yaxşı adına namizədlərin siyahısındadır. Baxdım ki, mənə çox az səs gəlib. Lakin kiməsə mənə dəstək olması üçün ağız açmadım. Heç qalib sms vasitəsi ilə də seçilsəydi, kimdənsə dəstək istəməzdim. Sonradan bir dostum mənə xəbər etdi ki, qalib olmuşam. Buna görə də onun “şirinliy”ini verəcəyəm. Seçim imkanı mənim əlimdə olsaydı, komanda yoldaşım Cavada səs verərdim”.