“Sakitləşmək, cavab oyununa rahat çıxmaq olmaz”

Futzal üzrə dünya çempionatının seçmə mərhələsinin play-off raundunda keçirilmiş Hollandiya - Azərbaycan oyunundan sonra millimizin baş məşqçisi Tino Perez affa.az-a açıqlama verib. Futbolxeber.az saytının məlumatına görə, ispan mütəxəssis cavab oyunu öncəsi rahatlaşmayacaqlarını bildirib: “Yaxşı oynadıq. İstər müdafiədə, istərsə də hücumda nümayiş etdirdiyimiz oyundan razı qaldım. Üstəlik, rəqibin də etmək istədiklərini sanki əvvəlcədən bilərək önləyici tədbirlər görməyi bacardıq. Bununla belə, sakitləşmək, cavab oyununa rahat çıxmaq olmaz. Bakıdakı qarşılaşmada da, ən azı, bugünkü kimi aqressiv və istəkli olmalıyıq. Yalnız cavab oyununda sərfəli nəticə əldə edə bilsək, dünya çempionatına vəsiqə qazanmağımızı yüksək əhval-ruhiyyə ilə qeyd edə bilərik”.