“Kliçkonun karyerasını bitirəcəm, qardaşı kimi siyasətçi olar”

WBA və WBO versiyaları üzrə superağırçəkili boksçular arasında dünya çempionu Tayson Fyuri Vladimir Kliçko ilə revanş döyüşü haqda fikirlərini bildirib. Futbolxeber.az saytının məlumatına görə, o bildirib ki, təkrar qarşılaşmada da qalib gələcəyinə əmindir:

“Mən Kliçkoya yenə qalib gələcəyəm və onun karyerasını bitirəcəyəm. Bundan sonra o, ya qardaşı kimi siyasətçi, ya da arvadı kimi Hollivud ulduzu olar. Hamı əvvəllər Kliçkodan qorxurdu, onu supermen hesab edirdi. Amma bu, belə deyil. Mənim üçün Kliçko əllərində boks əlcəyi olan adi bir insandır”.

Xatırladaq ki, Vladimir Kliçko ötən il noyabrın 28-də Tayson Fyuriyə xal hesabı ilə uduzub. Hər iki boksçu arasında revanş döyüşünün bu il iyunun 4-də keçirilməsi gözlənilir. 

Mənbə: qol.az