“Neftçi” “Partizan”a məğlub oldu

Sloveniyada təlim-məşq toplanışında olan "Neftçi" bu gün hazırlıq prosesi çərçivəsində ikinci yoxlama oyununa çıxıb.

Futboxeber.az saytının məlumatına görə, “ağ-qaralar” Serbiyanın “Partizan” klubu ilə üz-üzə gəlib.

Ormoj stadionunda keçirilən görüş serblərin 1:0 hesablı qələbəsi ilə başa çatıb. Görüşdə yeganə qolu 47-ci dəqiqədə Erik Kojzek vurub. 

Qeyd edək ki, "Neftçi" ilk yoxlama oyununda “ÇFR Kluj”a 1:2 hesabı ilə uduzub. Paytaxt klubu iyulun 10-da "Radniçki Niş" (Serbiya), 13-də isə "Osiyek" (Xorvatiya) ilə qarşılaşacaq.