Azarkeşlər “Qarabağ”, “Neftçi”, “Kəpəz” və “Sumqayıt”ı xərcə saldı

Bu gün AFFA İntizam Komitəsinin növbəti iclası keçirilib.

Futbolxeber.az saytının məlumatına görə, 14 fevral 2026-cı il tarixində Azərbaycan Premyer Liqasında XX turun “İmişli” - “Qarabağ” oyununun 90+5-ci dəqiqəsində qonaq komandanın azarkeşləri tərəfindən pirotexniki vasitədən istifadə edildiyinə və bu hal cari mövsümdə 3-cü dəfə təkrarlandığına görə Ağdam klubu 6000 manat cərimə edilib.

15 fevral 2026-cı il tarixində Azərbaycan Premyer Liqasında XX turun “Kəpəz” - “Neftçi” oyununda meydan sahiblərinin azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə Gəncə klubu 8000 manat cərimə edilib.

Matç zamanı “Neftçi” azarkeşləri tərəfindən rəqib komandanın ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə paytaxt klubu da 8000 manat cərimə edilib.

15 fevral 2026-cı il tarixində Azərbaycan Premyer Liqasında XX turun “Araz-Naxçıvan” - “Sumqayıt” oyununda qonaq azarkeşlər tərəfindən rəqib komandanın və hakimlərin ünvanına kütləvi şəkildə təhqiramiz ifadələr səsləndirildiyinə və bu hal cari mövsümdə 2-ci dəfə təkrarlandığına görə “Sumqayıt” komandası 6000 manat cərimə edilib.