Riçard Almeyda gedişini şərh etdi: "Artıq yeni səhifə açmaq zamanıdır"

"Gedişim ani olmadı, neçə vaxtdır bu barədə düşünürdüm. Bəzən elə anlar gəlir ki, qərar verməli olursan. Hamı "Qarabağ"a, Qurban müəllimə olan sevgimi bilir".

Furbolxeber.az saytına açıqlamasında bu sözləri "Qarabağ"dan ayrılan Riçard Almeyda deyib.

35 yaşlı yarımmüdafiəçi bildirib ki, karyerasının son dövrünü vətənində keçirmək istəyir: "Həyat yoldaşımla düşündük, qərar gəldik ki, Braziliyaya qayıdaq. Artıq həyatda yeni səhifə açmaq lazımdır. Braziliyada cəmi 4 oyun keçirmişəm. Daha sonra uzun müddət Portuqaliyada, Azərbaycanda çıxış etmişəm. Qərar qəbul etdim ki, öz vətənimdə də futbolun dadına baxım. Kim bilir, bəlkə bir gün məşqçi kimi Azərbaycana qayıtdım".

İbrahim Cəfərov