5 Aprel 2025, Şənbə
XXIX turun hakim təyinatları
“Qəbələ” Premyer Liqada!
Millimizin heyəti açıqlandı
Millimiz FİFA reytinqində gerilədi

Ölkə futbolu

Riad Rəfiyev qələbəni şərh etdi: “Samir Abasov bizim düşmənimiz deyil”

“Gözəl oyun alındı. Komandamız çox yaxşı mübarizə apardı. Bu görüşə ciddi hazırlaşmışdıq. Hər şey istədiyimiz kimi alındı. Komandanı, şəhəri, azarkeşlərimizi təbrik edirəm”.

Futbolxeber.az saytına müsahibəsində bu sözləri “Sumqayıt”ın prezidenti Riad Rəfiyev Azərbaycan Premyer Liqasının XVI turunda “Neftçi”ni 2:0 hesabı ilə məğlub etdikləri oyundan sonra deyib.

Klub rəhbəri hazırda “Neftçi”ni çalışdıran Samir Abasov amilinin “Sumqayıt” üçün prinsipal əhəmiyyət daşımadığını vurğulayıb: “Düzünü deyim ki, bu gün biz hansısa prinsipiallığı düşünmürük. Samir Abasov bizim düşmənimiz deyil. O, bu komandanı ötən mövsüm avrokuboklara yüksəldib. Belə şeyləri unutmaq olmaz. Ona görə də hansısa prinsipiallıqdan söhbət gedə bilməz. Bizim üçün vacib oyun idi. Qələbə qazandıq”.

O qeyd edib ki, komanda ilin son ev oyununda azarkeşləri sevindirmək istəyirdi: “Məqsəd ilin son ev oyununda qalib gəlmək idi. Üstəlik, rəqib də “Neftçi” idi. Bu komanda ilə oyunlarımız həmişə prinsipial keçir. Artıq bu matçı unudub, qarşıdakı iki görüşə hazırlaşmalıyıq”.

R.Rəfiyev “Sumqayıt”ın “Qarabağ” və “Kəpəz”lə matçlarından da söz açıb: “Qarşıda bizi iki çətin səfər oyunu gözləyir. Növbəti turda “Qarabağ”ın qonağı olacağıq. Bu komandanın gücünü hamə bilir. Eləcə də “Kəpəz”lə Tovuzdakı matçımız da çətin keçəcək. Kollektivə uğurlar arzu edirəm. İnanıram ki, həmin matçlarda da bugünkü kimi mübarizəyə şahidlik edəcəyik”.

Fərəc Aslanov

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30