Bayılda və Masazırda heç-heçə

Azərbaycan Premyer Liqasında 13-cü turun oyunları davam edir.

Futbolxeber.az saytının məlumatına görə, ikinci oyun günündə daha 2 matç keçirilib.

Əvvəlcə “Səbail” "Turan Tovuz”u qəbul edib. Paytaxt klubunu bu görüşə Elvin Məmmədov çıxarıb. Onun debüt matçında komandası qələbəyə yaxın olsa da, Tovuz klubu sonda məğlubiyyətdən qaçmağa müvəffəq olub.

Günün digər oyununda “Sabah” öz meydanında “Kəpəz”i qəbul edib. Bu görüşdə də qonaqlar sonda vurulan qollar heç-heçəyə nail olublar. 

Qeyd edək ki, tura sabah keçiriləcək 2 oyunla yekun vurulacaq. 

Azərbaycan Premyer Liqası

XIII tur

9 noyabr

“Sabah” - “Kəpəz” - 2:2

Qollar: Orxan Əliyev, 4 (0:1), Orxan Əliyev, 31-avtoqol (1:1), Kahim Parris, 74 (2:1), Nicat Süleymanov, 89 (2:2)

Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov

"Bank Respublika Arena"

“Səbail” - “Turan Tovuz” - 1:1

Qollar: Rüfət Abdullazadə, 40 (1:0), Faiq Hacıyev, 87 (1:1)

Hakimlər: İnqilab Məmmədov, Namik Hüseynov, Müslüm Əliyev, Elvin Bayramov

"ASCO Arena"

10 noyabr

16:00. “Araz-Naxçıvan” - “Sumqayıt”

19:00. “Qarabağ” - “Zirə”

8 noyabr

“Neftçi” - “Şamaxı” - 2:2

Bombardirlər: Felipe Santos (“Araz-Naxçıvan”), Cesse Sekidika ("Sabah") - 6 qol, Coy Lens Mikels ("Sabah") - 5 qol