Şamaxıda dramatik sonluq, "Qarabağ"dan qələbə

Bu gün Azərbaycan Premyer Liqasında VIII tura yekun vurulub.

Futbolxeber.az saytının məlumatına görə, günün ilk oyununda “Şamaxı” öz meydanında “Turan Tovuz”u qəbul edib. İlk hissədən sonra qonaqlar öndə olsalar da, Ayxan Abbasovun komandası fasilədən sonra geridönüş edərək sonda hesabda önə keçib. Lakin Tovuz klubu 90+8-də penaltidən fərqlənməklə məğlubiyyətdən qaçıb.

Tura “Qarabağ” - “Sabah” matçı ilə yekun vurulub. Bu matçda 3 xalı meydan sahibləri qazanıblar. Qazanılan qələbə ilə "Qarabağ" turnir cədvəlində yenidən liderliyə yüksəlib.

Azərbaycan Premyer Liqası

VIII tur

29 sentyabr

“Qarabağ” - “Sabah” - 3:2

Qollar: Toral Bayramov, 6 (1:0), Nəriman Axundzadə, 8 (2:0), Kevin Medina, 17 (3:0), Coy Lens Mikels, 45+1 (3:1), Pavol Şafranko, 51 (3:2)

"Azərsun Arena"

Qollar: Sadiq Şəfiyev, 5 (0:1), Belajdi Pusi, 48 (1:1), Arsen Ağcabəyov, 90 (2:1), Kristian da Silva, 90+8 (2:2)

Hakimlər: Tural Qurbanov, Rəhman İmami, Zöhrab Abbasov, Elvin Bayramov

Şamaxı şəhər stadionu.

27 sentyabr

“Araz-Naxçıvan” - “Səbail” - 3:2

28 sentyabr

“Neftçi” - “Sumqayıt” - 1:1

“Zirə” - “Kəpəz” - 3:0

Bombardirlər: Cesse Sekidika ("Sabah"), Coy Lens Mikels ("Sabah") - 5 qol, Davit Volkov (“Zirə”), Rafael Utziq ("Zirə") - 4 qol