Kloze: "Emreli "Herta" ilə matçda ən azı yarım saat oynaya biləcək"

Almaniyanın “Nürnberq” klubunun baş məşqçisi Miroslav Kloze Azərbaycan yığmasının üzvü Mahir Emrelidən danışıb.

Futbolxeber.az saytının məlumatına görə, alman mütəxəssis millimizin forvardının ən azı yarım saat meydana çıxa biləcəyini deyib: 

“Əminəm ki, Mahir Emreli "Herta" ilə matçda ən azı yarım saat oynaya biləcək. Onun əvvəldən oynayıb-oynamayacağını hələlik bilmirəm. Bu, Mahir üçün erkən ola bilər”.

Qeyd edək ki, Mahir Emreli bu yay “Nürnberq”ə Zaqreb “Dinamo”sundan keçib. O, yeni komandasında hələ debüt edə bilməyib.