2 Mart 2024, Şənbə
“Zirə” itirə-itirə gedir (YENİLƏNİB)
“Sumqayıt” “Kəpəz”ə məğlub oldu
Sezar Meza Kolli "Zirə"yə keçdi
İcraiyyə Komitəsinin qərarları

Ölkə futbolu

Stefan Aka: “Zirə” düzgün yoldadır”

“Zirə”nin müdafiəçisi Stefan Akanın Futbolxeber.az saytına müsahibəsi

 

- Azərbaycan kubokunda yarımfinala yüksəldiniz. “Səbail” üzərində qazanılan 3:0 hesablı qələbəni necə şərh edərdiniz?

- Komanda, rəhbərlik, azarkeşlər adına nəticədən məmnunuq. 3 cavabsız qolla qalib gəlsək də, gərgin məcrada keçən matç oldu. Ən vacib olan növbəti mərhələyə adlamaq idi. Bunu da bacardıq və qazandığımız nəticədən məmnunuq.

- Növbəti mərhələdə “Qəbələ” ilə qarşılaşacaqsınız. Final şansını necə dəyərləndirirsiniz?

- Maraqlı oyun olacaq. “Qəbələ”nin nəyə qadir olduğunu bilirik. Ötən tur onlarla səfərdə qarşılaşdıq. Lakin kubok oyunları fərqli məcrada keçir, çempionat matçlarından fərqlənir. Əlimizdən gələni edəcəyik ki, finala vəsiqə qazanaq və azarkeşlərimizi sevindirək.

- “Zirə”nin kuboku qazanması nə dərəcədə realdır?

- Kubok avrokuboklara yollanmaq üçün ən qısa yoldur. Ona görə hamı kubokda uğur qazanmaq istəyir. Biz də o cümlədən. Lakin indidən final, kuboku qazanmaq barədə danışmaq tezdir. İlk növbədə yarımfinal mərhələsini uğurla adlamalıyıq.

- Son turlar komandanızın çempionatda nəticələri heç də yaxşı deyil. Bu baxımdan düşünmək olar ki, “Zirə” avrokuboklara yollanmaq üçün əsas gücünü kuboka qoyacaq?

- Bayaq da dediyim kimi, kubokdan avrokuboklara yol qısadır. Lakin bu o demək deyil ki, yalnız kuboku düşünməliyik. Hər iki cəbhədə sona kimi mübarizə aparacağıq. Son turlar bir qədər istədiyimiz nəticələri qazana bilməsək də, qarşıda hələ çox oyun var. Çalışacağıq ki, həmin matçlardan üzüağ çıxaq.

- Komandanız çempionatda məhsuldar oyun sərgiləməsə də, kubokda 2 matçda “Səbail”in qapısından 5 qol keçirdiniz. Düşünmək olar ki, artıq “Zirə”nin hücumdakı işləri qaydasına düşür?

- Bəli, razıyam ki, çempionat matçlarında az qol vurmuşuq. Daha çox fərqlənməliyik. Lakin bunu şanssızlıqla bağlayardım. Çünki qol imkanlarımız çox olur, amma yararlana bilmirik. Növbəti matçlara fokuslanıb daha məhsuldar olacağımıza inanıram. Oyun baxımından hər hansı çətinliyimiz yoxdur. Komandamız düzgün yoldadır.

- Premyer Liqanın XXII turunda “Sumqayıt”la qarşılaşacaqsınız. Bu matçdan gözləntiləriniz nədir?

- Hər matçda olduğu kimi, bu dəfə də meydana 3 xal üçün çıxacağıq. Azarkeşlərimiz önündə oynayacağıq və onları qələbə ilə sevindirmək istəyirik. “Sumqayıt” da çox yaxşı komandadır. Hazırda ikinci pillədə qərarlaşıblar. Odur ki, bizi olduqca maraqlı və gərgin görüş gözləyir.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31