Aleksandr Ramalinqom: “Qarabağ” üzərində qələbə özünəinamı artıracaq” (MÜSAHİBƏ)

“Səbail”in hücumçusu Aleksandr Ramalinqomun Futbolxeber.az saytına müsahibəsi

- "Səbail"in cari mövsüm Premyer Liqadakı çıxışını necə dəyərləndirirsiniz?

- Son iki oyunda qazandığımız qələbələr düzgün yolda olduğumuzu gödstərir. Çox yaxşı komandamız var, zamanla daha yaxşı olacağıq. Əslində, ilk turlarda da yaxşı çıxış etmişdik. Sadəcə bəzi qarşılaşmalarda bəxtimiz gətirməmişdi. Zamanla hər şey yoluna düşür.

- İlk 5 turda qazanılan 7 xal sizi qane edir?

- Nəticə baxımından əslində daha yaxşı ola bilərdik. Daha əvvəl dediyim kimi, bizə bir qədər də zaman lazımdır. Əsas məqsədimiz bu qayda da davam etməkdir.

- Son turda ənin dublun sayəsində çempiona qalib gəldiz. “Qarabağ” üzərində qələbəni necə şərh edərdiniz?

- Olduqca vacib oyunda vacib qələbə qazandıq. “Qarabağ” ölkənin ən yaxşılarındandır. Bu oyundakı qələbə bütün kollektivdə özünəinamı artıracaq. Vacib qələbə idi.

- Hazırda bombardirlər cədvəlində şərikli lidersiz. Yekunda da bu yeri qoruyub saxlaya biləcəksiniz?

- Mənim üçün vacib olan komandamın qələbə qazanmasıdır. Biz vahid kollektivik. Komandanın uğur qazanması fərdlərdən daha vacibdir. Qaldı ki, mənim qol vurmağıma, hər zaman əlimdən gələnin ən yaxşısını etməyə hazıram.

- Daha əvvəl qeyd etdiyiniz kimi, çempionata yaxşı başlamasanız da, son 2 turda 6 xal qazanmısız. 3-cü turdan sonrakı müsbət dəyişikliyi nə ilə əlaqələndirmək olar?

- Əslində çox yaxşı hazırlıq mərhələsi keçmişdik. Təəssüf ki, mövsümə məğlubiyyətlə başladıq. Yenə deyirəm, bizə zaman lazımdır, yeni komandayıq. Birlikdə çıxış etdikcə oyunumuzu yaxşılaşdırırıq. Hər matça qələbə üçün çıxırıq. Düşünürəm ki, bu tempi davam etdirməliyik.

- "Səbail"ə yayda bir neçə yeni futbolçu qoşuldu ki, onlardan da biri sizsiz. Adaptasiya prosesi necə gedir?

- Uyğunlaşma prosesi yaxşı gedir. Əla kollektivimiz var, çətinlik yaşamırıq.

- Bura gəlməzdən öncə, Azərbaycan və ölkə çempionatı barədə məlumatlı idiniz?

- Təklif gələn zaman ilk olaraq “Qarabağ”da çıxış etmiş Faysal Rehhrasla danışdım. O, Azərbaycana gəlməyimi məsləhət gördü. Daha sonra hazırkı komanda yoldaşım David Qomislə də danışdım. O da israrla bura gəlməli olduğumu bildirdi. Əla komanda, əla şəhərə gəlmişəm.

- Fransada çıxış edərkən də Abdullah Zubirə qarşı oynamısınız. Azərbaycan çempionatındakı görüşünüzü necə qiymətləndirirsiniz?

- Abdulla Zubirə qarşı əvvəl oynayıb-oynamadığımı xatırlamıram. Zubir çox yaxşı futbolçudur.

- Azərbaycan Premyer Liqası barədə fikirləriniz necədir?

- Səviyyə çox yaxşıdır. Çempionatda əla futbolçular var, komandalar da güclüdürlər.

- Azarkeşlər "Səbail"dən bu mövsüm üçün nə gözləsinlər?

- Son oyun dolu tribunalar önündə keçdi, əla atmosfer var idi. Qələbələrimiz və uğurlu nəticələrimizlə onları sevindirmək üçün əlimizdən nə gəlirsə edəcəyik.

Azad NURİYEV