“Lerik” 1 illik komanda olmayacaq” - AÇIQLAMA

“Təəssüf ki, məğlub olduq. Başqa nəticə gözləyirdik, lakin alınmadı.  Qarşıdakı oyunlarda daha yaxşı çıxış etməyə çalışacağıq”.

Futbolxeber.az saytına açıqlamasında bu sözləri II Liqanın ikinci turunda “Dinamo”ya 1:4 hesabı ilə uduzan “Lerik”in baş məşqçisi Vidadi Hüseynov deyib.

O, “Lerik”in hədəfləri barədə danışarkən gələcəyin komandasını qurmaq istədiklərini bildirib: “Hədəf Lerikə layiq komanda yaratmaqdı. Rəhbərliklə danışığımız olub. “Lerik” 1 ilin komandası olmayacaq. Əksinə, gələcəyin komandasını yaratmaq istəyirik. Bu yöndə işlər gedir”.

Y.Hüseynov tezliklə doğma rayonda meydana çıxacaqlarına inanır: “Çox istərdim ki, tezliklə doğma rayonumuza köçək. Rəhbərlik söz verib, icra hakimi özü şəxsən bu məsələyə nəzarət edir. Ötən oyunumuzu da stadiondan izləyirdi. İnanıram ki, tezliklə stadion problemimiz həll olunacaq”.

Fərəc ASLANOV