Samir Abbasov: “Rəqibin belə vəziyyətindən istifadə etməyi doğru saymadıq”

Azərbaycan Premyer Liqasının III turu çərçivəsində səfərdə "Qəbələ"ni 2:1 hesabı ilə məğlub edən "Sumqayıt"ın baş məşqçisi Samir Abasov mətbuat konfransı keçirib. Futbolxeber.az saytının məlumatına görə, 45 yaşlı mütəxəssis əvvəlcə oyun haqda fikirlərini bölüşüb.

- Hesab başqa cür də ola bilərdi. Fasilədən sonra çox fədakarlıq göstərməli oldu uşaqlar. Bura adaptasiya olmaq çətindi. İqlimi nəzərdə tuturam. Erkən qolun mənfi tərəfi də odu ki, rəqib konsentrasiyanı artırır və ayılır. Çox çətin oldu. Ötən mövsüm xeyli mənfi seriyamız olub. Bu dəfə əksidi. Xoşdu ki, burdan yaxşı əhvalda qayıdırq.

- "Sabah"la oyunun təxirə salınması ritmi pozmadı?

- MOİK-lə oynadıq. Ancaq rəqibin belə vəziyyətindən istifadə etməyi doğru saymadıq.

- Fasilədən sonra müdafiədə sanki çaşqınlıq yaranırdı. Səbəb nə idi?

- Əksinə, müdafiəçilərdən razı qaldım. Bütün yük onların üzərinə düşdü. Biz daha çox ön xəttə səhvlərin üzərində çalışmalıyıq.

- İlk hissədən sonra arxayınlıq yarandı?

- Rəqibin təzyiqi artdı. Belədə, boşluqlar üzə çıxır. Komandamız bu cür təzyiqə hazır deyildi. Buraxdığımız qoldan sonra təzyiq bir az da artdı. Futbolçularımızın əksəriyyəti 45 dəqiqəyə oynamağa hazırdı.

- Transferlər olacaq?

- Bir müdafiəçi və iki vingerlə danışıqlar gedir.