"Qəbələ" qələbəni əldən verdi

Türkiyənin Bolu şəhərində təlim-məşq toplanışında olan “Qəbələ” bu gün növbəti yoxlama oyununu keçirib.

Futbolxeber.az saytının məlumatına görə, “Qırmızı-qaralar” hazırlıq prosesinin 5-ci günündə Rusiyanın “Orenburq” klubu ilə qarşılaşıb.

“Fənərbaxça” Sərkan Acar Topuk Yaylası bazasında baş tutan qarşılaşma heç-heçə yekunlaşıb. İkinci hissədə təmsilçimiz hesabda önə keçsə də, rəqib yenilgidən qaçmağı bacarıb.

Rusiyanın eyniadlı şəhərini təmsil edən “Orenburq” tarixi ərzində müxtəlif liqalarda çıxış edib və 2022-ci ildə Premyer Liqaya qayıdıb. Orenburqlular ötən mövsümü 7-ci yerdə başa vurublar.

Xatırladaq ki, “Qəbələ” Boluda keçirdiyi ilk matçda Moldova təmsilçisi “Sukleya”ya 4:2 hesabı ilə qalib gəlib.

Yoxlama oyunu

15 iyul

“Qəbələ” (Azərbaycan) - “Orenburq” (Rusiya) - 1:1

Qol: Ülvi İsgəndərov, 50