Qurbanov: “Yox, hələ ki mənə bilet üçün müraciət edən olmayıb”

“Yox, mənə hələ ki bilet üçün müraciət edən olmayıb”.

Futbolxeber.az saytının məlumatına görə, bunu “Qarabağ”ın baş məşqçisi Qurban Qurbanov “Qalasaray”a qarşı keçiriləcək xeyriyyə oyunu barədə danışarkən deyib.

O, heç bir şəxsə dostluq görüşü üçün bilet hədiyyə etməyəcəyini bildirib: “Bu vaxta qədər bəzi dostlara, tanışlara bilet verirdim. Amma özləri də bilir ki, bu oyun üçün müraciət etsələr belə, yox deyəcəm. Çünki bu matçın keçirilməsinin məqsədi hamıya bəllidi. Hamımız bacardığımız qədər yardım kampaniyasının iştirakçısı olmalıyıq. Ordakı insanların həqiqətən də yardıma çox böyük ehtiyacları var. Türkiyə bizim üçün qardaş ölkədi. Ora gedərkən özümüzü həmişə evimizdəki kimi hiss edirik”.