“Neftçi” “Srvena Zvezda”ya uduzdu

“Neftçi” Türkiyədəki təlim-məşq toplanışı çərçivəsində bu gün sonuncu yoxlama oyununa çıxıb.

Futbolxeber.az saytının məlumatına görə, flaqman “Srvena Zvezda” (Serbiya) ilə üz-üzə gəlib. Görüş rəqibin 1:0 hesablı qələbəsi ilə başa çatıb. Yeganə qolu 4-cü dəqiqədə Nemanya Motika vurub.

Xatırladaq ki, “Neftçi” bundan əvvəlki sınaq matçlarında Macarıstanın “Vaşaş” (1:1) və Polşanın “Medz Leqnisa” (1:2) klubları ilə qarşılaşıb. Komanda sabah vətənə qayıdacaq.