PFL prezidenti VAR-a görə Almaniyaya yollanıb

Peşəkar Futbol Liqasının (PFL) prezidenti Elxan Səmədov Almaniyanın Frankfurt şəhərində səfərdədir.

Futbolxeber.az saytının məlumatına görə, bu barədə PFL-in vitse-prezidenti Aslan Şahgəldiyev Azərbaycan Kubokunun püşkatmə mərasimində deyib.

O bildirib ki, qurumun rəhbəri burada VAR sistemindəki problemlərlə bağlı görüşlər keçirir: "Səhvlər var və bunlar etiraf olunmalıdır".

Şahgəldiyev hazırda yarışın tirul sponsorunun hələlik bəlli olmadığnı da vurğulayıb: "Danışıqların davam edir. Kubok başlayanadək sponsorluq məsələsinə aydınlıq gələcək".

PFL rəsmisinin sözlərinə görə, komandaların azlığı bizi də narahat edir: "Zaqatala" və "İmişli" imtina etməklə bağlı məktub yolladı. Bu, maliyyə məsələsi ilə bağlı idi. Region liqası komandaları ilə bağlı müzakirə olunurdu, amma onların əksəriyyətinin infrastruktur problemləri var. Kubokda peşəkar komandalar iştirak etməlidir. Növbəti mövsümdə Region Liqasının iştirakı məsələsini AFFA ilə birgə müzakirə ediləcək. Ola bilsin, əsasnaməyə müvafiq dəyişilik etdik".