"Qarabağ"dan təhlükəsizliklə bağlı azarkeşlərə müraciət

“Qarabağ” Çempionlar Liqasının II təsnifat mərhələsinin ilk oyunu çərçivəsində “Sürix”ə qarşı keçiriləcək oyundan öncə azarkeşlərə müraciət edib. 

Futbolxeber.az saytının məlumatına görə, klubun feysbuk səhifəsində yer alan müraciətdə deyilir: 

- Əziz azarkeşlər, “Qarabağ” - “Sürix” oyununa göstərdiyiniz böyük marağa görə sizə sonsuz təşəkkür edirik.

Oyuna gələrkən təhlükəsizlik tədbirlərinə əməl etməyiniz xahiş olunur. Nəzərə alın ki, A,B və C girişlərdən içəri keçdikdən sonra stadionu tərk edən azarkeşlər matç bitənə qədər yenidən arenanın ərazisinə qayıda bilməyəcəklər.

Bundan başqa, biletinizdə göstərilən sektor, sıra və yerlərdə əyləşməyiniz rica olunur.

Hər birinizə bu qaydalara riayət edəcəyiniz üçün indidən minnətdarıq!

Gəlin, ötən oyundakı rekordumuzu yeniləyək!