“Cəbrayıl” “Kolos”a məğlub oldu

Bu gün Azərbaycanda keçirilən UEFA Region Kubokunun ilkin seçmə mərhələsinin 2-ci qrupunun  oyunlarına start verilib.

Futbolxeber.az saytının məlumatına görə, Azərbaycan təmsilçisi “Cəbrayıl” Belarusun “Kolos” komandası ilə qarşılaşıb.

Şamaxı şəhər stadionunda keçirilən ilk oyun "Kolos"un qələbəsi ilə başa çatıb - 2:1.

Mehman Süleymanlı ilk hissədə “Cəbrayıl”ı hesabda önə keçirsə də, fasilədən sonra 2 qol vuran rəqib meydanı qələbə ilə tərk edib.

Qeyd edək ki, ötən gün 1-ci qrupun ilk turunda Gürcüstanın “Basiani” komandası Estoniya təmsilçisi “Tallinna Zapoos”a 3:1 hesabı ilə qalib gəlib.