“Qarabağ” - “Qəbələ” oyunu da təxirə düşdü

Azərbaycan Premyer Liqasının 12-ci turunda keçirilməli olan “Qarabağ” - “Qəbələ” oyunu təxirə salınıb.

Futbolxeber.az-ın Peşəkar Futbol Liqasının rəsmi saytına istinadən verdiyi məlumata görə, “Qarabağ”ın heyətində 7 futbolçuda COVİD-19 testinin nəticəsi pozitiv olduğu üçün sabah keçirilməli olan görüş baş tutmayacaq.

Beləliklə, Premyer Liqada 12-ci turun bütün qarşılaşmaları təxirə salınıb.

Bunadək digər üç matç - “Zirə”-“Sumqayıt”, “Neftçi”-“Sabah” və “Keşlə”-“Səbail” qarşılaşmaları öncədən təxirə düşmüşdü.