"Sabah"dan alqışlanası addım

“Sabah” klubu alqışlanası addım atıb.

Futbolxeber.az saytının məlumatına görə, klub 1 iyun - Uşaqların Beynəlxalq müdafiəsi günü şəhid övladlarını sevindirib. Bununla bağlı klubun rəsmi saytında yer alan xəbəri və fotoları təqdim edirik:

- Aprel döyüşləri xalqımızın qəhrəmanlıq tarixində yeni səhifə açdı. Məhz bu döyüşlərdə qəhrəman Azərbaycan əsgəri bir daha öz şücaətini nümayiş etdirərək, Vətənimizin müdafiəsinin əmin əllərdə olduğunu göstərdilər. Vətən uğrunda canından keçmiş şəhidlərimizin əziz xatirəsini unutmamaq və daim yad etmək etmək hər bir azərbaycanlının borcudur.

“Sabah” Futbol Klubunun titul sponsoru “Bank Respublika”nın təşəbbüsü, AFFA və “Zəfər” Şəhid Ailələrinə Dəstək İctimai Birliyinin dəstəyilə “1 iyun Uşaqların Beynəlxalq Müdafiəsi Günü” münasibətilə Aprel şəhidlərinin övladları ziyarət edilib. “Sabah” FK-nın və milli komandamızın üzvləri Bəhlul Mustafazadə, Ramil Şeydayev və Ruslan Abışov uşaqlarla görüşərək, onlara “Bank Respublika”, “Sabah” FK və AFFA-dan müxtəlif hədiyyələr təqdim edib, xatirə şəkli çəkdiriblər.

Keçirilən görüşlərdə bankın nümayənədələri Aprel döyüşlərinin xalqımızın şanlı tarixi olduğunu vurğulayaraq, bütün şəhid övladlarının atalarının igidliklərinə görə qürur duymalı olduqlarını, Azərbaycan xalqının hər zaman onların qəhrəmanlıqlarını xatırlayacağını bildiriblər.