İran millimizlə qarşılaşmaq istəyir

İran Futbol Federasiyası Azərbaycan milli komandası ilə yoldaşlıq görüşünün təşkili variantını nəzərdən keçirir.

Futbolxeber.az-ın "Report"a istinadən verdiyi məlumata görə, bunu İranın gənclər və idman naziri Məsud Soltanifər Azərbaycanın bu ölkədəki səfiri Bünyad Hüseynovla görüşündə bildirib. Tərəflər iki ölkə arasında idman sahəsində əməkdaşlığın genişləndirilməsinə dair fikir mübadiləsi aparıblar.

Öz növbəsində, səfir Azərbaycanın gənclər və idman naziri Azad Rəhimovun iranlı həmkarına salamlarını çatdırıb. O deyib ki, Azərbaycan iki ölkə arasında imzalanmış bütün qarşılıqlı əməkdaşlıq memorandumlarına sadiqdir.