"Olimpiya"nın düşəcəyini gözləmirdim"

“Düzünü desəm, mən “Olimpiya”nın düşəcəyini düşünmürdüm”.

Bu sözləri Futbolxeber.az saytına açıqlamasında “Qarabağ”ın müdafiəçisi Abbas Hüseynov deyib.

Ağdam klubunu oyunçusu Çempionlar Liqasının birinci təsnifat mərhələsində qarşılaşacaqları “Olimpiya” ilə görüş haqda fikirlərini bölüşüb. O, Sloveniya klubunun güclü rəqib olduğunu bildirib: “Demək ki, qismətimizdə bu klubla düşmək var imiş. Mən başqa klubla düşəcəyimizi gözləyirdim. Ancaq bizə heç də zəif rəqib düşmədi. Onsuzda zəif komanda yoxdu. Avrokuboklara çıxan komandalar zəif olmur”.

“Təlim-məşq toplanışında artırmalıyıq ki, hazırlığımız yaxşı olsun. Başımızı aşağı salıb öz işimizi görürük. Qurban Qurbanovun dediklərini yerinə yetirəcəyik ki, hər şey bizim üçün yaxşı olsun” – deyə, Hüseynov fikirlərini yekunlaşdırıb.