Almeyda: “Razıyam, əvvəlki formamdan uzağam”

“Bizi asan oyun gözləmədiyini bilirik. Rəqib 4-4-2 sxemi ilə oynayır. Səbrli olmalıyıq. Öz gücümüzə inanmalıyıq”.

Futbolxeber.az saytının məlumatına görə, bu sözləri “Qarabağ”ın futbolçusu Riçard Almeyda Çempionlar Liqasının pley-off mərhələsində sabah “Kopenhagen”lə keçiriləcək oyun üçün təşkil olunan mətbuat konfransında deyib.

Braziliyalı yarımmüdafiəçi “Son vaxtlar əvvəlki kimi oynamamağının səbəbi yaşla bağlıdır” sualını belə cavablandırıb:  “Razıyam ki, əvvəlki formamdan uzağam. Nəzərə alın ki, qasıq nahiyəmdən zədə almışdım. Əvvəlki formama qayıtmaq üçün üzərimdə çox çalışıram. Dediyiniz amillərin bununla heç bir əlaqəsi yoxdu”.