Qattuzo: “Bu nəticəyə görə üzr istəyirəm”

“Hakimliyi və ya digər kənar səbəbləri müzakirə etmək istəmirəm. Bu gün hər şeyi meydan həll etdi”.

Futbolxeber.az saytının məlumatına görə, bu sözləri İtaliya millisinin baş məşqçisi Cennaro Qattuzo DÇ-2026-nın final mərhələsinə vəsiqə üçün oynanılan pley-off-un həlledici matçında Bosniya və Herseqovinaya uduzduqları görüşdən sonra deyib.

İtaliya millisi rəqibinə penaltilər seriyasında uduzaraq ardıcıl 3-cü dəfə dünya çempionatından kənarda qalıb.

Məğlubiyyətə görə azarkeşlərdən üzr istəyən Qattuzo rəqibin əzmkarlığına heyran olduğunu vurğulayıb: “Bu nəticəyə görə şəxsən üzr istəyirəm. Amma futbolçularımız meydanda hər şeyi etdilər. Uzun illər davam edən futbolçu karyeramda qələbələrə də sevinmişəm, ağır məğlubiyyətlər də yaşamışam. Məni rəqibin nə qədər fədakarlıq və xarakter göstərməsi heyrətləndirdi. Bizə daim təzyiq edirdilər, sanki səngərdə idik. Etiraf etməliyik ki, biz dünya çempionatına düşməyi bacarmadıq".