Yulian Naqelsmann Macarıstanla oyundan danışdı

Almaniya millisinin baş məşqçisi Yulian Naqelsmann bu gün Avro-2024-ün ikinci turu çərçivəsində Macarıstana qarşı keçirəcəkləri oyundan danışıb.

Futbolxeber.az saytının məlumatına görə, 38 yaşlı məşqçi rəqibin aqressiv oynayacağını bildirib:

“Turnirdən öncə mən hesab edirdim ki, macarlar şotlandlarla eyni səviyyədədirlər. Çox şey bizim özümüzü necə göstərəcəyimizdən asılıdır. Rəqibimizin üzərində təzyiq var. Ona görə də Macarıstan millisi Şotlandiya yığmasından daha aqressiv oynayacaq”.

Qeyd edək ki, bu gün keçiriləcək Almaniya - Macarıstan oyunu Bakı vaxtı ilə 20:00-da start götürəcək. Almaniya ilk oyununda Şotlandiyaya 5:1 hesabı ilə qalib gəlib, Macarıstan isə İsveçrəyə 1:3 hesabı ilə uduzub.