23 yaşında milli karyerasını başa vurdu

“Rubin”in hücumçusu Sərdar Azmun İran millisindəki çıxışını başa vurduğunu açıqlayıb.

Futbolxeber.az saytının məlumatına görə, 23 yaşlı futbolçu Rusiyada keçirilən dünya çempionatından sonra bu fikrə gəlib. O, verdiyi qərarla bağlı bunları bildirib: “Millidə oynamaq mənim üçün böyük şərəf idi. Təəssüflər olsun ki, millidən ayrılmaq qərarına gəldim. Bəlkə də bu həyatımın ən çətin qərarıdı. Axı gənc oyunçu üçün milliyə düşmək elə də asan olmur”.