“Azarkeşlər Türkiyə bayrağını yandırdığı üçün o, “Spartak”dan getdi”

Sərdar Taşçının meneceri Ahmet Bulut müştərisinin “Spartak”ı “Bavariya”ya dəyişməsinin səbəbini açıqlayıb. Futbolxeber.az-ın məlumatına görə, Bulut keçidin səbəbini siyasi proseslərlə əlaqələndirib: “Serdar milli məsələlərə çox həssas yanaşır. Onun “Spartak”dan getməyində Türkiyə və Rusiya arasındakı münasibətlərin rolu oldu. O, “Spartak”dan azarkeşlər Türkiyə bayrağını yandırdığı üçün getdi. Biz 3 həftə “Şalke” ilə danışıqlar apardıq. Lakin son anda “Bavariya”dan da təklif gəldi”.