Rafael Fiziyev: “Doğma publika önündə döyüşmək möhtəşəm hissdir”

“Doğma publika önündə döyüşmək möhtəşəm hissdir”.

Futbolxeber.az saytının məlumatına görə, bu sözləri Bakıda keçiriləcək UFC gecəsində döyüşəcək azərbaycanlı idmançı Rafael Fiziyev mətbuat konfransında deyib.

Onun sözlərinə görə, çilili rəqibi İqnasio Bahamondesin döyüş zamanı şou göstərmək istəməsi müsbət məqamdır: "Onun bu fikri məni sevindirdi. Bahomondeslə daha əvvəl döyüşdüyüm üçün bütün ssenariyə hazıram. Bizə Bakıda çox yaxşı davranırlar. Şəhərə çıxdığımız zaman hər kəs yaxınlaşıb şəkil çəkdirmək istəyir. Bu da bizə əlavə stimul verir".

Qeyd edək ki, UFC turniri iyunun 21-də Bakı Kristal Zalında keçiriləcək (“Azərtac”).