Bakıda “Üzgüçülük hamı üçün” layihəsinin final mərhələsinə yekun vurulub

Bakıda Türk Dövlətləri Təşkilatına üzv və müşahidəçi ölkələr arasında “Üzgüçülük hamı üçün” layihəsinin final mərhələsinə yekun vurulub.

 

Futbolxeber.az saytına Azərbaycan Üzgüçülük Federasiyasından (AÜF) verilən məlumata görə, Bakı Su İdmanı Sarayında iki gün davam edən turnirdə Azərbaycan, Türkiyə, Qazaxıstan və Şimali Kipr Türk Respublikalarının komandalarının 15 müxtəlif yaş kateqoriyası üzrə iştirakçıları mübarizə aparıblar.

 

İlk günün nəticələrinə əsasən 30-34 yaş kateqoriyasında qadınlar arasında Kaba Yurdanur birinci, Tubu Əbdülzadə ikinci yerlərə layiq görülüblər. Kişilər arasında Buğra Karahan birinci olub. Darya Özkök yarışı ikinci, Kemal İsmaloğlu üçüncü pillədə başa vurublar.

 

35-39 yaşlı qadınlar arasında Sanem Tanlı fəxri kürsünün ən yüksək pilləsində yer alıb. Duyğu Gizem Çelikçeken ikinci, Tuğba Aktaş və Gül Yaman üçüncü yerlərə layiq görülüblər. Kişilər arasında Yahya Vural Kaya, Emil İbrahimov və Elçin Bəkirov fərqləniblər.

 

40-44 yaşlı qadınlar arasında Nataliya Mordasova, Günay Hacıyeva, Olqa Maynitskaya fərqləniblər. Kişilər arasında Ramil Məmmədov və Mehdi Qafarov birinci yeri tutublar.

 

50-54 yaşlı qadınlar arasında Alyona Süleymanova birinci olub. Kişilər arasında Bora Babaoğlu yarışı birinci pillədə başa vurub. Rüfət Ələmdarov və İlqar İsmayılov ilk üçlüyü tamamlayıblar.

 

55-59 yaşlı qadınlar arasında Eser Ayşe Öncer birinci olub. Kişilər arasında Azər Babayev və Nazim Məmmədov müvafiq olaraq birinci və ikinci yerlərə layiq görülüblər. 60 yaşdan yuxarı qadınlar arasında Alyona Tumçenko və Nesrin Arslan fərqləniblər. Kişilər arasında Pyotr Kuvşinov, Mehmet Yücebilgic, Elşən Məmmədov ilk üçlükdə qərarlaşıblar.

 

Yarışların ikinci günündə isə yaşı 9-dan 29–a kimi olan üzgüçülər güclərini sınayıblar. Gərgin mübarizə şəraitində keçən yarışlarda 9-10 yaşlı qızlar arasında Nərmin Ramazanova birinci, Veranika Navatojina ikinci, Nilufər Həmidzadə isə üçüncü yerə layiq görülüb. Bu yaş qrupunda oğlanların mübarizəsində isə Taylan Özgür Uzun birinci, Abbas İbrahimov ikinci, Yusif İsmayılov isə üçüncü yerə layiq görülüb.

 

11-12 yaş qruplarında oğlanlar arasında Tunc Uçan, qızlar arasında isə Emine Doğa Aktaş qızıl medallara layiq görülüblər.

 

13-14 yaş qrupunda qızlar arasında Slepenko Aleksandra, oğlanlar arasında isə Selcuk Belker Ertürk qalib olaraq birinci pillədə yer alıblar.

 

15-16 yaş kateqoriyasında oğlanlar arasında Timur Beker, qadınlar arasında Melisa Şahin, 17-19 yaşlarda qadınlar arasında Sudenas Çakmak, kişilər arasında Yiğit Kıvrık, 20-24 yaşlılarda qadınlar arasında Alina Kostenka, kişilər arasında isə Doğukan Demir qızıl medal qazanıblar.

 

25-29 yaş kateqoriyalarında isə qadınlar arasında Hürü Əlicanova, kişilər arasında isə Buğra Buba birinci pillədə yer alıblar.

 

Sonda Gənclər və İdman Nazirliyi, Azərbaycan Üzgüçülük Federasiyasının birgə təşkilatçılığı ilə baş tutan turnirin qaliblərinə medal və diplomlar təqdim olunub.