Millimiz İsveçlə heç-heçə etdi

Bu gün futzal üzrə Azərbaycan milli komandası Avro-2026-nın seçmə mərhələsində ilk oyununa çıxıb.

Futbolxeber.az saytının məlumatına görə, V qrupda mübarizə aparan Vitali Borisovun komandası Bakıda İsveç yığmasını qəbul edib. 

Matçın gedişində 2 dəfə hesabda önə keçməsinə baxmayaraq, yığmamız heç-heçə ilə kifayətlənib. Özü də komanda bərabərlik qolunu final fitinə 2 saniyə qalmış vurub. 

Qeyd edək ki, bu, İsveç millisinin seçmə mərhələdə ikinci oyunu idi. Skandinaviyalılar daha əvvəl Yunanıstana 1:4 hesabı ilə uduzub.

17 dekabr

Azərbaycan - İsveç - 3:3

Qollar: Oktay Rüstəmli, 4, 39, Xəzər Ağəlizadə, 23 - Hampus Furublad, 14, Fredrik Söderqvist, 33, Brayan Yohansson, 37

Hakimlər: Aslan Qalayev, Turekhan Tursumbayev, Nurlybek Kalimaganbetov (Qazaxıstan)

Bakı İdman Sarayı