"Qarabağ" braziliyalı futbolçusunu “Botafoqo”ya satmadı

"Qarabağ"ın yarımmüdafiəçisi Pedro Bikalyonun "Botafoqo"ya transferi alınmayıb.

Futbolxeber.az saytının ESPN nəşrinə istinadən verdiyi məlumata görə, Braziliya klubu Ağdam təmsilçisinə iki rəsmi təklif göndərsə də, danışıqlar uğursuz alınıb.

Xəbərdə qeyd olunub ki, "Botafoqo" artıq Bikalyonu transfer gündəmindən çıxarıb.

Həmçinin, "Botafoqo"nun "Qarabağ"ın keçmiş yarımmüdafiəçisi, hazırda Macarıstanın "Ferentsvaroş" klubunda oynayan Julio Romaonun da transferindən vaz keçdiyi bildirilib. Onunla da danışıqların müsbət nətiəcələnmədiyi vurğulanıb.

Qeyd edək ki, Pedro Bikalyo “Kruzeyro” və “Palmeyras”ın akademiyalarında yetişib və peşəkar debütünü də “Palmeyras”da edib. Daha sonra Portuqaliyada “Santa Klara” və “Alverka” klublarında çıxış edən yarımmüdafiəçi bu yay “Qarabağ”a keçib.