Salifu Suma: “Malmö”də olmaq mənim üçün çox önəmlidir”

"Zirə”dən ayrılan Salifu Suma “Malmö”yə keçidini şərh edib.

Futbolxeber.az-ın İsveç klubunun saytına istinadən verdiyi məlumata görə, qvineyalı futbolçu qeyd edib ki, “Malmö” kimi bir kluba keçmək karyerası üçün böyük bir addımdır: “Klub hazırkı çempiondur və Avropada oynamaq istəyi var. Mən Qvineyadan İsveçə qədər gəldiyim yolu düşünəndə burada olmaq mənim üçün çox önəmlidir”.

O qeyd edib ki, ən vacib olan əvvəlcə klubu yaxından tanımaq və komandaya uyğunlaşmaqdır: “Komandadakı oyunçuların heç birini əvvəldən tanımıram. Amma “Malmö”nün bir futbolçu kimi məndən nə gözlənildiyini bilirəm və klubun uğurlu tarixindən xəbərdaram. Mənim üçün ən vacib olan əvvəlcə klubu yaxından tanımaq və komandaya uyğunlaşmaqdır. Sonra isə komandaya qalib gəlməkdə, Avropaya çıxmaqda və orada mübarizə aparmaqda kömək etmək istəyirəm. “Malmö” mənimlə maraqlanmağa başladıqdan sonra komandanın oyun videolarına baxmağa başladım və azarkeşləri gördüm. Bu azarkeşlərin qarşısında oynamağı səbirsizliklə gözləyirəm və çox motivasiyalıyam”.