“Turan Tovuz” sabah Türkiyə klubu ilə qarşılaşacaq

Türkiyədə təlim-məşq toplanışında olan “Turan Tovuz” sabah hazırlıq prosesi çərçivəsində növbəti yoxlama oyununu keçirəcək.

Futbolxeber.az saytının məlumatına görə, Kurban Berdıyvin komandası Türkiyə 1-ci liqa təmsilçisi “Keçiörengücü” ilə qarşılaşacaq.

Matça Bakı vaxtı ilə saat 18:00-da start veriləcək.

Xatırladaq ki, “Turan Tovuz” toplanış çərçivəsində keçirdiyi ilk yoxlama oyununda digər Türkiyə birinci liqa təmsilçisi “Çorum”la heç-heçə oynayıb - 1:1. Komandanın “Traktor”la görüşü isə baş tutmayıb.